bredenkamp.co.za

Lidmaatskap Vorm

ALMAL IS WELKOM BY DIE BREDENKAMP FAMILIEBOND

Die Bond is vir die BREDENKAMPS - Hier en nou en tot in die verre toekoms!!

Omdat ons baie trots is op ons FAMILIEBANDE en ons Bond se prestasies en u graag as LID daarvan wil werf, wil ons u meedeel wat die familiebond sedert sy stigting vanaf 10.12.2003 reeds vermag het.

• Die BREDENKAMP STAMREGISTER en FAMILIEGESKIEDENIS is reeds ver gevorder. Dit begin by JOHANNES CHRISTOFFEL BREDENKAMP wat op 24 September 1763 aan boord van die Leckerland by die Kaap voet aan wal gesit het en wat die stamvader van al die Bredenkamps in Suid-Afrika en ook buite ons grense is. Alle Bredenkamps se informasie en hulp word benodig om ons boek so volledig as moontlik saam te stel.

• ‘n BREDENKAMP FAMILIEBONDWAPEN is ontwerp en reeds by die Staatsheraldikus geregistreer vir gebruik deur almal wat aangesluit het by die BOND.

• Daar word gereeld streeksfamiliefeeste gehou soos by Pretoria (ORYX EKO PARK), POSTMASBURG, CLARENS, MEYERSDAL in ALBERTON en KAMEELDRIFT 313 JR in Pretoria. Elke byeenkoms was in reuse sukses en familielede het mekaar vir die eerste keer daar “ontdek” en aangenaam gekuier.

• NUUSBRIEWE WORD UITGEGEE met interessante inligting en nuuswaardige berigte o.a van saamtrekke wat vir die BREDENKAMPS van belang is.

• Die BREDENKAMP WEBTUISTE is ontwerp en word instand gehou sodat belangrike inligting daarin bekom kan word, maar ook waar bekendmakings en uitnodigings na saamtrekke geadverteer kan word. www.bredenkamp.co.za

• Leerhoede met die FAMILIEBONDWAPEN word verkoop teen R190,00 elk. Daar is ook gekleurde-wapen koffiebeker & Glas Bierbekers teen R35,00 elk te koop. B.g kan by Elize Pieterse bestel word by (012) 376-2994 of 071 660 5144

2. Ten spyte van wat reeds bereik is het ons nog verskeie ideale en doelwitte waarvan die belangrikste is om die inligting in die stamregister so korrek en volledig moontlik te kry en andersyds om ‘n hegte band te bind tussen al die BREDENKAMPS sodat ons mekaar leer ken, waardeer en geniet.

3. Met aansluiting sal ‘n lidmaatskapsertifikaat met die BREDENKAMP familiebondwapen in volkleur en ander tersaaklike dokumente aan U gestuur word teen ‘n eenmalige bedrag van R100,00.

4. Betalings aan: BREDENKAMPBOND, Rek nr. 90 7187 3122, ABSA, Spesiale Spaar, Sinoville tak kode:632055(Jou naam&van as verwysing en waarvoor die geld gaan,asb duidelik gemerk)

5. ‘n Bereidwillige Medewerker word gevra om die komitee by te staan met die reël van familiebyeenkomste in u gebied asook met die verkryging en verspreiding van inligting.

6. Om dit alles te vermag het ons u nodig en veral ook u lidmaatskap van die BOND waardeur u ondersteuning bied.

7. Voltooi asb die aangehegte aansoekvorm en pos, faks of e-pos dit aan:-
Elize Pieterse, Faks nr: 0866 84 84 09, Posbus 49021 Hercules 0030.
e -pos: ejpieterse@worldonline.co.za of ejpieterse@gmail.com

Groete van huis tot huis


AANSOEK OM LIDMAATSKAP VAN DIE BREDENKAMP FAMILIEBOND - (PDF Formaat)